Թուրքիայի հատուկ ծառայությունները նախազգուշացրել են իրենց ռուս
գործընկերներին և օգնել կանխել երկրորդ ահաբեկչությունը Մոսկվայում՝ Crocus City
Hall առևտրի կենտրոնի վրա հարձակումից հետո։ Այս մասին հայտնում է Hürriyet թերթը։
«Համերգասրահի վրա առաջին հարձակումից հետո ահաբեկչական խումբը պլանավորել էր երկրորդ հարձակումը։ Նրանք պատրաստվում էին հարձակվել մարդաշատ առևտրի կենտրոնի վրա։ Թուրքական հետախուզությունը կանխել է այս երկրորդ խոշոր ահաբեկչությունը՝ կապ հաստատելով Մոսկվայի հետ»,- գրում է թերթը:
Ահաբեկչությունը, պարբերականի տեղեկություններով, պատրաստել են «Վիլայաթ
Խորասան» խմբավորման զինյալները, որը կապված է «Իսլամական պետության» հետ։
